ابـــــــــــــــوذيات عراقيه

السلام عليكم ورحمة الله وبركاته

الى محبي الابوذيات

اخترت ألكم ابيات من الابوذيه

تصير مسج واتمنى تنال اعجابكم

يفز كلبي لوليفي وافر بي
اشبكَة ومن فرحتي اركص وافربي
اذا شتا وجو بارد ووفر بي
احس تموز حضنه يصير اليه

بس بس بذاني وبـس ملااني
وكلي ما رد املك بس ملاني
جنتلة ورقة بيضة بس ملااني
كتب اسمي ورجع شخبط علية

**** **** **** ****

عنيت وبس عليك الناس يعني
ومنو غيري الك بالناس يعني
اكله شكد تحبني يكلي يعني
شنو اليعني منو اليصرفة الية

**** **** **** ****
مو عيني دمع جسمي ينز لك
يبيتك بالكلب صاير ينزلك
علم عالراس من يكدر ينزلك
والخدمتك روحي لبس عسكريه

**** **** **** ****

حبك بالكلب غالي وشلته
ودمعي بيوم هجرانك وشلته
احب كلبك وصحبانه وشلته
واحبك حيل يالمبعد عليه

**** **** **** ****

مسجون لاجنح عندي وامركم
اظل خاضع لمحبتكم وامركم
لابد هالسجن يخلص وامركم
واعاتب كل نذل ما مر علية

**** **** **** ****

ياربي لو ننخاك العبد عينه
سوده وماتحب الكحل عينه
رفع طرف العبايه وشفت عينه
وشفت ميزان ونجوم وثريه

**** **** **** ****

متعود على احبابي وراهم
ما بيه حيل أمشي وراهم
لون أدري العشگ هيچي وراهم
أبد ما حب ولا أمر بالأذية

**** **** **** ****

الوكت عمدا بيه طالب آنه
فرد طلبه من الله طالب آنه
آنه أتمنه أصير عدهه طالب آنه
تدرسني وعطرها يعط عليه

**** **** **** ****

لــــــ تحياتي ــــكم