بغداد الحزينه

ايذبحـن.. غيـر الوفـا عنـد محتـال
يوفـي وهـو خايـن وحنـا ضحـايـا

بعـض البشـر يامـال يامـال يـامـال
بـلاش فرقـى عيـن.. فرقـى قـرايـا

البعد عن بعض البشـر قـرب ووصـال
وبعـض البشـر يبعـد وبيـن الحنايـا

ياشيـن ماضـي مــن تــوده ولازال
تلقـاه فـي نـوم الضحـى والمسـايـا

ياعالـمٍ حـال البشـر ترحـم الـحـال
تغـفـر لعـبـدك زلـتـه و الخطـايـا

إرحـم عبـادك مـن كثيـرات الاهـوال
فـي جـاه وجهـك ياجزيـل العطـايـا

انا الضعيف.. الضايع .. الملتجي.. الضال
فيـك أستعـيـن ولاتخّـيـب رجـايـا

ستـرك وعفـوك يـا إلآهـي بالاقبـال
يــارب لاتجـعـل دروبــي هفـايـا

العبد من يتبع هـوى النفـس.. يهتـال
يصفـق يمينـه فـي شمـالـه ردايــا

نـاب النـدم عـض الاصابـع ولانـال
كـود الاصابـع والـنـدم والخفـايـا !

نياتكـم نياتـكـم هــي الاعـمـال
و ياشيـن (بعـض) قلوبنـا والنـوايـا

يالعـبـد لاتغـتـر بالـجـاه والـمـال
دنيـا خـذت قبلـك مـلـوك ورعـايـا

شف كم ترك بيت الكـرم قبلـك رجـال
لاشــك يبـقـى طيبـهـم للـروايـا

دنياك لوتصفي .. ترى العيـش ماطـال
و ياكـم صفـت وإستعجلـت بالبـرايـا

بغـداد،، لاتشكيـن مـن قـل الابطـال
النـاصـر الله،، ينـصـرك والدعـايـا

بغـداد،، لاتبكيـن مـن حـرب الانـذال
تاريخـك أكبـر مـن جميـع العـدايـا

بغـداد،، ياخـي ويــن بـغـداد لازال؟
ياخـي نعيـش اوهامـنـا بالوصـايـا؟

ياخـي تأذينـا.. شقـى هـم وأهــوال
طعـنـات.. ظلـمـات وأذى للعـرايـا

ياخـي تعبنـا.. نقضـي الليـل مــوال
شـف مـاجـدات عراقـنـا للهبـايـا

ياخي.. هـرب.. ياخـي هزيمـه وإذلال
ياخـي أشــلاء أطفالـنـا بالحـوايـا

ياخي نشـوف الـدم ونقـول ماسـال !
ياخي نشف..! صابـه جفـاف وظمايـا

ياخي.. متى نشعر؟ نحس؟ نفعل أفعـال؟
ياخـي متـى مـل الصبـر للحكـايـا ؟

ياخي..دمار.. شتات.. تخريـب وأعمـال
ياخـي قتـل يسكـن جميـع الـزوايـا

ياخـي مُـدن تُهـدم وخفـرات تُغـتـال
ياخـي طفـل يُقتـل وحـنـا صغـايـا!

ارجوا ان تنال اعجابكم ورضاكم،،

الانيق

مشكوررررررررررر اخويه

وننتضر منك مزيد والمزيد من ابداع

مشكوررررررررررررررررررر

كلمات موثره وكنت حقا موفق في اختيارك
بارك الله فيك

.

...